११७२ जनामा कोरोना भाइरस संक्रमण पुष्टि,संक्रमितको संख्या ६७ हजार माथि

0
5

काठमाडौं,७ असोज । पछिल्लो २४ घण्टामा ११७२ जनामा कोरोना भाइरस कोभिड-१९ को संक्रमण पुष्टि भएको छ । देशभरको प्रयोगशालामा ९४५९ नमुना परीक्षण गर्दा ४२६ महिला र ७४६ पुरुषमा संक्रमण पुष्टि भएको हो ।

यससँगै कुल संक्रमितको संख्या ६७ हजार ८०४ पुगेको छ । उनीहरुमध्ये ४३६ जनाको मृत्यु भएको छ भने ४९ हजार ९५४ जना संक्रमणमुक्त भएका छन् ।
पछिल्लो २४ घण्टामा मात्र १८९३ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ ।

कहाँ कति थपिए संक्रमित र?

मन्त्रालयका अनुसार काठमाडौं उपत्यकामा ६३७ संक्रमित थपिएका छन्, जसमध्ये काठमाडौंका ४९२, भक्तपुरका ९५ र ललितपुरका ५० जना छन् ।

यस्तै रुपन्देहीका ६७ जना, सुर्खेतका ४९, मोरङका ४४, सुनसरीका ३७, बाँकेका ३०, गुल्मीका २८, कास्की र अछामका २२र२२ जना, सर्लाहीका २१, बर्दियाका १९, डोटीका १७, मकवानपुरका १६, धादिङ र कैलालीका १४र१४ जना, सप्तरीका १२, सिराहाका ११, काभ्रे र नवलपुरका १०र१० जना तथा झापाका ९ जनामा कोरोना संक्रमण पुष्टि भएको छ ।

तनहुँ र कपिलवस्तुका ६र६ जना, गोरखा, जमजुङ, स्याङ्जा र नवलपरासीका ५र५ जना, बाराका ४, धनुषा र कञ्चनपुरका ३र३ जना, पाँचथर, रौतहट, नुवाकोट, बाग्लुङ, दाङ, दार्चुला र बैतडीका २र२ जना तथा उदयपुर, ताप्लेजुङ, तेह्रथुम, संखुवासभा, महोत्तरी, चितवन, पर्वत, म्याग्दी र बझाङका १र१ जनामा संक्रमण देखिएको मन्त्रालयले जनाएको छ ।

Leave a Reply