त्रिविका स्थगित आबेदन फारामहरु खुल्ने

सल्यान,१० जेठ । त्रिभुवन विश्वविद्यालयले कोरोना भाइरसको दोस्रो लहर सुरु भएपछि स्थगित गरेको स्नातक तह प्रथम वर्षको परीक्षा आवेदन फारम जेठ १० गतेदेखि २० गतेसम्म भरिसक्नु पर्ने जनाएको छ।

त्रिवि परीक्षा नियन्त्रण कार्यालयले आइतबार सूचना जारी गर्दै आवेदन फारम अनलाइनमार्फत पनि भर्न सकिने जनाएको छ।

‘कोभिड १९ को दोस्रो लहरको प्रकोपका कारण स्थगित गरिएकोमा २०७८ जेठ १० गतेदेखि २०७८ जेठ २० गतेसम्म क्याम्पसमा संकलन भएका आवेदन फारमहरु सम्बन्धित क्याम्पसबाट भराउने र आवेदन फारम छुट हुन गएका परीक्षार्थीहरुको आवेदन फारम मिति २०७८ जेठ १२ गतेदेखि २०७८ जेठ २० गतेसम्म अनलाइनबाट सम्बन्धित परीक्षार्थीहरु स्वयंले भर्न सक्नेछन्। क्याम्पस र परीक्षार्थीहरुबाट भरिएका सम्पूर्ण फारमहरु सम्बन्धित क्याम्पसले रुजु गरी सोको रकम भुक्तानी गरी मिति २०७८ जेठ २३ गतेभित्र इन्ट्री गरिसक्नु पर्नेछ,’ सूचनामा उल्लेख छ।
यस्तै दोब्बर दस्तुर बुझाई फारम भर्ने अवधि असार १ गतेदेखि असार ७ गतेसम्म तोकिएको छ। साउन मसान्तभित्र परीक्षा सम्पन्न गरिसक्नु पर्ने त्रिविले जनाएको छ।

 

खबर आजको पढ्नुभएकोमा यहाँलाई धन्यबाद#हाम्रो यस खबर आजको डट कम अनलाइनमा प्रकाशित सामाग्रिहरु प्रति यहाँहरुको कुनै प्रतिक्रिया भए khabarajako2020@gmail.com मा mail गर्नुहोला । साथै हामीसंग khabarajako.com youtube channel,khabar ajako facebook page, र खबर आजको facebook group मा जोडिनुहोला ।

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्