सल्यान,२१कात्तिक ।सल्यानमा बस दुर्घटनामा परी मृत्यु हुनेको संख्या १२ पुगेको छ भने ७ जना घाइतेलाइ हेलिकप्टरद्वारा थप उपचारका लागी नेपालगंज रिफर गरिएको छ । दुर्घटनामा मृत्यु हुने २ जनाको सनाखत भएको छ। सनाखत हुनेमा दाङ तुलसीपुर निबासी इन्दिरा अधिकारी ७६ वर्षकी ठेगाना नखुलेकी कला बुढाथोकी रहेका छन ।
घाइते हुनेको संख्या चालक सहित ३१ पुगेको छ ।
सल्यानको दुलधारा पोखरा देखी दाङको तुलसीपुरतर्फ जाँदै गरेको ना २ ख २५५२ नम्बरको बस आइतबार बिहान करीब ११ बजे कपुरकोट गाउँपालिकाको खारखोला नजिकै दुर्घटना भएको थियो।
घाइते र मृतकको नाम खुल्न सकेको छैन। घाइते हरुलाई उपचारकालागी नेपालगन्ज र श्रीनगर लगिएको प्रहरिले जनाएको छ भने अन्य मृत्कहरुको पोस्टमाटम भैरहेको र मृतक र घाइतेको बिवरण संकलन गरीरहेको बताइएको छ।