जनकपुरधाम,१३ भदौ ।प्रदेश २ मा शनिबार एकैदिन एक महिलासहित ७ जना कोरोना संक्रमितले ज्यान गुमाएका छन्। सामाजिक विकास मन्त्रालयका अनुसार पछिल्लो २४ घण्टामा महोत्तरीका २ जना, सिरहाका २ जना र पर्साका ३ जना कोरोना संक्रमितको ज्यान गएको हो। महोत्तरी भंगहा नगरपालिका १ का ३५ वर्षीय युवक र पिपरा गाउँपालिका ७ का ७० वर्षीय वृद्धको ज्यान गएको छ। भंगहाका ३५ वर्षीय मृतक युवक वडाध्यक्ष नवलकिशोर कापरका एक्लो छोरा थिए। यस्तै सिरहाको सुखीपुर नगरपालिका ८ का ५५ वर्षीय पुरुष र लहान नगरपालिका १८ का ४५ वर्षीय पुरुषको मृत्यु भएको छ। पर्साको वीरगन्ज महानगरपालिका १२ का ४८ वर्षीय पुरुष, मनियारी २२ का ३७ वर्षीय पुरुष र वीरगन्ज १२ कै ६५ वर्षीय महिलाको ज्यान गएको छ। ज्यान गुमाउनेहरु प्रायः सबै दीर्घरोगी रहेका बताइएको छ। योसँगै प्रदेश २ मा मृतकको संख्या ८४ पुगेको छ। प्रदेशमा १६५ संक्रमित थपिए प्रदेश २ मा शनिबार थप १६५ जनामा कोरोना संक्रमण पुष्टि भएको छ। योसँगै प्रदेश २ मा संक्रमितको संख्या ९ हजार ७९५ पुगेको छ। सामाजिक विकास मन्त्रालयका वरिष्ठ चिकित्सक डा। कमलेश प्रसाद यादवका अनुसार पछिल्लो २४ घण्टामा २० महिला र १४५ पुरुषमा कोरोना पुष्टि भएको छ। सबैभन्दा बढी धनुषामा ४९ संक्रमित थपिएका छन्। यस्तै सर्लाहीमा ४५ जना, पर्सामा ३४ जना, महोत्तरीमा २७ जना, बारामा ९ जना, र रौतहटमा १ जनामा कोरोना पुष्टि भएको छ। सिरहा र सप्तरीमा शनिबार एक जनामा पनि कोरोना पुष्टि नभएको विवरण प्राप्त भएको छ। धनुषाका संक्रमितमध्ये सानो पाइलाका ४ जना, जिल्ला प्रहरी कार्यालयका २ जना, राम जानकी अस्पतालका ६ जनामा कोरोना पुष्टि भएको छ। यस्तै लेवर एण्ड इम्प्लोइमेन्ट अफिस, बैंक अफ काठमाडौं र तुलसीयाही निकास हेल्थपोष्टका १÷१ जनामा संक्रमण देखिएको छ। धनुषाकै एक सबइन्सपेक्टर र एक ट्राफिक प्रहरीमा पनि कोरोना पुष्टि भएको छ। यस्तै महोत्तरीको जलेश्वर नगरपालकिास्थित प्रकौली सेना ब्यारेकका थप ९ जना र गौशाला नगरपालिकास्थित त्रिमाध्यमिक विद्यालयका थप २ जनामा समेत कोरोना पुष्टि भएको छ। मालपोत कार्यालय जलेश्वरका एक कर्मचारी पनि संक्रमित भएका छन्। पर्सामा थपिएका संक्रमितमध्ये वीरगन्जका(२ महिलासहित ५ जना, सानो पाइला ब्रहम टोलका ८ कर्मचारी, वडा प्रहरी कार्यालय विर्ताका १ जना र सानो पाइलाकै अन्य ठाउँमा बस्ने केही कर्मचारीसमेत छन्। सर्लाहीको मलंगवास्थित खानेपानी तथा सरसफाइ डिभिजन कार्यालयका ३ जनामा पनि कोरोना पुष्टि भएको छ। (स्रोत थाहा सञ्चार)