सामाजिक सुरक्षा कोषले माग्यो ६६ जना स्थायी कर्मचारीको आवेदन

सल्यान,१४ चैत । सामाजिक सुरक्षा कोषले स्थायी पदपूर्तिका लागि ६६ जना कर्मचारी माग गरेको छ । कोषले चारदेखि ११ औं तहमा स्थायी पदपूर्तिका लागि कर्मचारी माग गरेको हो ।

कोषमा रिक्त रहेका पदहरु लोकसेवा आयोगको सहमति अनुसार खुल्ला प्रतियोगितामार्फत पदपूर्ति गर्न आवेदन माग गरिएको हो । तोकिएको योग्यता पुगेका उम्मेदवारले प्रक्रिया पूरा गरी अनलाइन दरखास्त फाराम भर्नुपर्ने उल्लेख गरिएको छ ।