वैशाख मसान्तसम्म वैकल्पिक विधिबाट विद्यालय सञ्चालन गर्न मन्त्रिपरिषद्लाई सिफारिस

काठमाडौं,४ बैसाख। कोभिड १९ व्यवस्थापन केन्द्र (सीसीएमसी) ले मुलुकका ठूला शहरी र कोभिड १९ फैलिएका स्थानमा वैशाख मसान्तसम्म वैकल्पिक विधिबाट विद्यालय सञ्चालन गर्न मन्त्रिपरिषद्लाई सिफारिस गरेको छ ।

शनिबार बसेको सीसीएमसीको बैठकले शहरी क्षेत्रमा कोभिडको जोखिम बढ्दै गएकाले भौतिक रूपमा उपस्थित हुने गरी पठनपाठनमा रोक लगाउन सिफारिस गरेको हो ।

बैठकमा स्वास्थ्य तथा जनसंख्या मन्त्रालयले पेश गरेको कोभिड १९ को संक्रमण रोकथामसम्बन्धी आदेशबारे छलफल भएको थियो ।

प्रधानमन्त्री कार्यालयका सचिव खगराज बरालका अनुसार बैठकमा धेरै संक्रमण देखिएको ठाउँहरुमा तत्कालका लागि वैकल्पिक विधिमार्फत विद्यालयहरुमा पठनपाठन गर्नुपर्छ भन्ने छलफल भएको छ ।

सीसीएमसीको सिफारिस बमोजिम मन्त्रिपरिषदको बैठकले यसबारे निर्णय लिनेछ ।

खबर आजको पढ्नुभएकोमा यहाँलाई धन्यबाद#हाम्रो यस खबर आजको डट कम अनलाइनमा प्रकाशित सामाग्रिहरु प्रति यहाँहरुको कुनै प्रतिक्रिया भए khabarajako2020@gmail.com मा mail गर्नुहोला । साथै हामीसंग khabarajako.com youtube channel,khabar ajako facebook page, र खबर आजको facebook group मा जोडिनुहोला ।

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्