नविन केसी/जेठ,७ रोल्पा । रोल्पाबाट नेपालगन्ज जादै गरेको प्रहरी बोकेको गाडी दुर्घटना परेको छ । दुर्घटनामा परि चार जना प्रहरी सहित पाँच जना घाइते भएका छ्न ।
जिल्ला प्रहरी कार्यालयबाट जबर्जस्ति करणी मुद्दाका एक थुनुवा लिएर लिबाङ्बाट हिडेको लु १ झ ५७० नम्बरको गाडी बिहान ११ बजे तिर रोल्पा नगरपालिका १ भदौरे मन्दिर नजिकै दुर्घटनामा परेको हो । घाइते पाँचै जनाको उपचार जिल्ला अस्पताल रेउघामा भैरहेको जिल्ला प्रहरी कार्यालय रोल्पाका प्रहरी प्रमुख नरेश सुबेदिले बताए ।
ब्रेक फेल भएर दुर्घटना भएको प्रारम्भिक अनुसन्धानबाट देखिएको सुबेदिले जानकारी दिए ।
