सल्यान,१४ कात्तिक। आज देशभर पछिल्लो २४ घण्टामा थप ४ सय ८ जनामा कोरोनाभाइरस संक्रमण पुष्टि भएको छ ।
आइतबार स्वास्थ्य तथा जनसंख्या मन्त्रालयकाअनुसार ७ हजार ८ सय ९९ वटा परीक्षण गर्दा ४ सय ८ जनामा कोरोना संक्रमण देखिएको हो । यससँगै कूल संक्रमितको संख्या ८ लाख १२ हजार ५ सय ७० (पीसीआर टेस्टबाट) र (एण्टीजेनबाट) ९४ हजार ५ सय ३५ पुगेको छ।
साथै पछिल्लो २४ घण्टामा ५ सय १८ जना कोरोनाभाइरस संक्रमणमुक्त भएसँगै निको हुनेको कूल संख्या ७ लाख ९१ हजार ७ सय ८७ पुगेको मन्त्रालयले जानकारी दिएको छ । यस्तै हालसम्म सक्रिय संक्रमित ९ हजार ३ सय ७६ जना रहेका छन् ।
यसैगरी पछिल्लो २४ घण्टामा थप ८ जनाले ज्यान गुमाएका छन्। हालसम्म कोरोनाभाइरस संक्रमणबाट ज्यान गुमाउनेको संख्या ११ हजार ४ सय ७ जना रहेको स्वास्थ्य मन्त्रालयले जनाएको छ ।