सल्यान,१ मंसिर। पछिल्लो २४ घण्टामा देशभर थप ४ सय १२ जनामा कोरोनाभाइरस संक्रमण पुष्टि भएकोछ ।
बुधबार स्वास्थ्य तथा जनसंख्या मन्त्रालयकाअनुसार ११ हजार ९ सय ९३ वटा परीक्षण गर्दा ४ सय १२ जनामा कोरोना संक्रमण देखिएको हो । यससँगै कूल संक्रमितको संख्या ८ लाख १८ हजार ३५ (पीसीआर टेस्टबाट) र (एण्टीजेनबाट)९५ हजार २ सय २३ पुगेको छ।
साथै पछिल्लो २४ घण्टामा २ सय २ जना कोरोनाभाइरस संक्रमणमुक्त भएसँगै निको हुनेको कूल संख्या ७ लाख ९८ हजार ९ सय १६ पुगेको मन्त्रालयले जानकारी दिएको छ । यस्तै हालसम्म सक्रिय संक्रमित ७ हजार ६ सय ३६ जना रहेका छन्।
हालसम्म कोरोनाभाइरस संक्रमणबाट ज्यान गुमाउनेको संख्या ११ हजार ४ सय ८३ जना रहेको स्वास्थ्य मन्त्रालयले जनाएको छ।