सल्यान,१ पुष ।मोटरसाइकल दुर्घटनामा परि सल्यानमा एक युवक घाइते भएका छन् ।
जिल्लाको छत्रेश्वरी गाउँपालिका वडा नम्बर ६ लान्ती स्थित पिपलनेटाबाट भोटेचौर तर्फ जाँदै गरेको रा ६ प ५२८५ नम्बरको मोटरसाइकल दुर्घटनामा परि मोटरसाइकल चालक दिलोचन श्रेष्ठ घाइते भएका हुन् ।
उनलाई श्रीनगर स्थिति कान्तिपुर अस्पतालमा सामान्य उपचारपछि थप उपचारका लागि हेलिकप्टरमार्फत काठमाडौं रिफर गरिएको जिल्ला प्रहरी कार्यालय सल्यानले जनाएको छ ।
घाइतेको खुट्टा, टाउको र शरिरको विभिन्न भागमा चोट लागेको प्रहरी चौकी भोटेचौरका प्रहरी जवान सन्तोष चौधरीले बताए ।
मोटरसाइकल हिलोमा आफै चिप्लिएर दुर्घटना भएको उनले बताए ।