सल्यान,७ पुष । पछिल्लो २४ घण्टामा देशभर थप २३६ जनामा कोरोना संक्रमण पुष्टि भएको छ । देशभरका विभिन्न प्रयोगशालामा ७२६६ पीसीआर परीक्षणमा ४०४३ एन्टिजेन परीक्षणमा गरी कुल ११३०९ जनाको परीक्षणमा २३६ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा २७२ जना कोरोना भाइरस संक्रमणमुक्त भएर घर फर्किएका छन । योसंगै मुलुक भर ८ लाख ९ हजार ६५९ संक्रमण मुक्त भइसेकका छन् ।
यस्तै पछिल्लो २४ घण्टामा २ जनाको कोरोनाका कारण ज्यान गुमाएको स्वास्थ्य मन्त्रालयको तथ्यांकले देखाएको छ । यो संगै मुलुक भर कोरोनाका कारण ११ हजार ५७९ जनाले ज्यान गुमाएका छन् । हाल देशभर कोरोना भाइरसको सक्रिय संक्रमितको संख्या ५ हजार १८५ रहेको छ ।