सल्यान,८ पुष । पछिल्लो २४ घण्टामा देशभर २९३ जना कोरोना संक्रमित थपिएका छन्। स्वास्थ्य मन्त्रालयले दिएको विवरण अनुसार ११ हजार ६२६ जनाको परीक्षण गरिएकोमा ९ हजार ५१० जनाको पीसीआर परीक्षणमा २४१ जनामा र २ हजार ११६ जनाका एन्टिजेन परीक्षणमा ५२ जनामा कोरोना संक्रमण पुष्टि भएको हो ।
पछिल्लो २४ घण्टामा २६३ जना कोरोनामुक्त भएका छन् भने २ जनाको कोरोना संक्रमणबाट मृत्यु भएको छ । अहिले देशभर सक्रिय संक्रमितको संख्या ५ हजार १६१ छ ।
स्वास्थ्य मन्त्रालयका अनुसार अहिलेसम्म पीसीआर विधिबाट गरिएको परीक्षणबाट ८ लाख २६ हजार ६६४ जनामा कोरोना संक्रमण पुष्टि भएको छ । एन्टिजेन परीक्षणबाट ९६ हजार ९२ जनामा संक्रमण पुष्टि भएको छ।
हालसम्म ८ लाख ९ हजार ९२२ जना कोरोनामुक्त भएका छन् । कोरोनाबाट मृत्यु हुनेको कुल संख्या ११ हजार ५८१ पुगेको छ ।
२४ घण्टामा २ लाख ८२ हजार ४४१ जनाले खोप लगाएको स्वास्थ्य मन्त्रालयले जानकारी दिएको छ ।