दाङ, ३ – चैत्र नेपाल पत्रकार महासंघका उपाध्यक्ष उदय जिएम नेकपा (माओवादी केन्द्र) प्रवेश गरेका छन्।
मंगलबार माओवादी केन्द्रका अध्यक्ष पुष्पकमल दाहाल ‘प्रचण्ड’ले जिएमलाई खादा लगाएर स्वागत गरे।
नेकपा (मसाल) निकट प्रगतशील पत्रकार संघका पूर्वअध्यक्ष समेत रहेका जिएमले मसालमा विवाद बढ्दै गएपछि केही समयअघि सो पार्टीबाट अलग भएको घोषणा गरेका थिए।
मसालसँगको ३२ बर्षे संलग्नता तोड्दै जिएम माओवादी केन्द्र निकट प्रेस सेन्टर नेपालमा समाहित भएका हुन।
तीन दशकदेखि नेपाली पत्रकारिता क्षेत्रमा क्रियाशील जीएमले मूलधारका अन्नपूर्ण पोष्ट, सगरमाथा टीभी, दैनिक अनलाइन, पहिलोपेज डटकम लगायतका सञ्चारमाध्यममा काम गरिसकेका छन्।