नारायणी नदिमा पानीको बहाब बढ्दै

चितवन,१७ साउन । अविरल वर्षापछि नारायणी नदीमा पानीको बहाव आज बिहान सतर्कता तहनजिक पुगेको छ ।

चितवनको देवघाट बाढी मापन केन्द्रमा जलसतह सतर्कता तह ९७.३ मिटर नजिक पुगेको र बढ्दो क्रममा रहेको जल तथा मौसम विज्ञान विभागअन्तर्गतको बाढी पूर्वानुमान महाशाखाले जनाएको छ ।

चितवन र नवलपरासीको नदीतटीय क्षेत्रमा आज दिउँसोसम्म उच्च सतर्कता अपनाउन महाशाखाले आग्रह गरेको छ ।