दाङ,२८ असोज। दाङमा मोटरसाईकलको ठक्करबाट ४ बर्षका बालकको मृत्यु भएको छ । मृत्यु हुनेमा शान्तिनगर गाउँपालिका—७ खैरेनी निबासी केशव डाँगीको ४ बर्षका छोरा स्मार्ट डाँगी रहेको ईलाका प्रहरी कार्यालय तुलसीपुरका प्रहरी निरीक्षक पर्वत केसीले जानकारी दिए ।हापुरेबाट तुलसीपुर तर्फ गइरहेको रा७प ३१३१ नम्बरको मोटरसाईकलले अन्दाजि पौने पाँचबजे बालकलाई ठक्कर दिएको हो ।ठक्करबाट घाइते भएका बालकको राप्ती प्रादेशिक अस्पताल तुलसीपुरमा उपचारका क्रममा मृत्यु भएको हो । मोटरसाईकल चालक शान्तिनगर गाउँपालिका–२ निबासी अर्जुन चौधरीलाई प्रहरीले नियन्त्रणमा लिएको छ ।
