काठमाण्डैं, ४ पुष ।बारा जिल्लाको जितपुर सिमरा उपमहानगरपालिका–१ स्थित पथलैयाबाट सशस्त्र प्रहरीले बिलविजक भन्दाबढी सामान बोकेको एउटा ट्रक नियन्त्रणमा लिएको छ।
विशेष सूचनाको आधारमा सशस्त्र प्रहरी बल नेपाल विओपी वीरगञ्जले वीरगञ्जबाट पथलैयातर्फ आउँदै गरेको ना ४ ख ८३३४ नम्बरको ट्रकलाई नियन्त्रणमा लिएको हो।बिलविजक भन्दाबढी औषधि र अन्य सामान बोकेको ट्रकमा करीब ७८ प्रकारका सामग्री रहेका छन्।
बरामद सामान तथा ट्रक १ करोड ३९ लाख १४ हजार ४ सय १३ रुपैयाँ कायम गरी आवश्यक कारबाही तथा अनुसन्धानको लागि राजश्व अनुसन्धान कार्यालय पथलैया बारामा बुझाईएको सशस्त्रले जनाएको छ।