दाङ,२३ पुष ।दाङमा १३ वर्षीया बालिकालाई बलात्कार गरेको आरोपमा एक जना पक्राउ परेका छन् । पक्राउ पर्नेमा लमही नगरपालिका -९ निवासी २२ वर्षीय अनोवर कुमार यादव रहेका जिल्ला प्रहरी कार्यालय दाङले जानकारी दिएको छ । ।
पिडित बालिकाले अस्थायी प्रहरी पोष्ट रिहारमा जाहेरी दिएकी थिइन् । बालिकाले जाहेरी दिएपछि अस्थायी प्रहरी पोष्ट रिहार र वडा प्रहरी कार्यालय लमहीबाट खटिएको प्रहरीको टोलीले यादवलाई बिहीबार राति पक्राउ गरेको थियो। विद्यालयसम्म पुर्याइदिने भन्दै बालिकालाई मोटरसाइकलमा बसालेर लगेका यादवले विद्यालय नजिकैको जंगलमा लगेर करणी गरेको बालिकाले प्रहरी समक्ष बयान दिएको प्रहरीले बताएको छ ।
यादवलाई पक्राउ गरी थप अनुसन्धान भइरहेको प्रहरीले जनाएको छ ।