कात्तिक १७,सल्यान । तेस्रो त्रिवेणी गोल्ड कप कर्णाली अन्तर्गत पालिका स्तरीय पुरुष भलिबल प्रतियोगिताको उपाधि सल्यान बनगाड कुपिण्डे नगरपालिकाले उचालेको छ । कर्णाली प्रदेशकै ठूलो राशी ३ लाख ३३ हजार ३ सय ३३ रुपैयाँको उपाधी बनगाड कुपिण्डे नगरपालिकाले उचाल्न सफल भएको हो ।
यस्तै उपविजेता कालिकोटको खाडाचक्र नगरपालिका भएको छ भने तृतीय सुर्खेतको गुर्भाकोट नगरपालिका भएको छ । उपविजेता र तृतीय हुने टिमले क्रमशः २ लाख २२ हजार २ सय २२ र १ लाख ११ हजार १ एक ११ रुपैयाँ पुरस्कार प्राप्त गरेको आयोजक कर्णाली सेवा समाजले जनाएको छ ।
अनुशासित र उत्कृष्ट खेल तर्फ भने सुर्खेत गर्भाकोट नगरपालिकाका समीर रावत घोषित भएका छन् । प्रतियोगिता कात्तिक १३ गते देखि कालिकोटको सान्नी त्रिवेणी गाउँपालिकामा सुरु भएको थियो ।