सल्यान,८ मंसिर।सल्यानमा बस दुर्घटना हुँदा ६ जना घाइते भएका छन् । राप्ती राजमार्ग अन्तर्गत जिल्लाको शारदा नगरपालिका ६ भट्टाचौर स्थित दाङ्ग तुलसीपुरबाट सल्यान दार्मा जाँदै गरेको ना ४ ख ३९९६ नम्बरको बस दुर्घटना भएको हो ।बस दिउसो २:४५ बजे चिप्लीएर नालिमा गएको हो।दुर्घटनामा परी सल्यान कुमाख गाउँपालिका ७ जिमालीका २५ वर्षीय सहचालक लाल बहादुर शाही, बागचौर नगरपालिका २ का १० वर्षीय सुसान्त केसी, ५५ वर्षीया सावित्रा ओली, ७८ वर्षीयाा झुपा केसी,दाङ बबइ गाउँपाकिला ७ का ३८ वर्षीय कुशल डाँगी र बाँके राप्ती सोनारी गाउँपाकिला ३ की ५० वर्षीया डिला खड्का घाइते भएको जिल्ला प्रहरी कार्यालय सल्यानले जनाएको छ ।
घाइते मध्य सहचालक शाहीको अवस्था गम्भीर रहेको जिल्ला प्रहरी कार्यालय सल्यानका सूचना अधिकारी भवानी प्रसाद धमलाले जानकारी दिए । घाइतेहरुको श्रीनगर स्थित मेट्रो अस्पतालमा उपचार भइरहेको धमलाले जानकारी दिए । बस चालक भने प्रहरी नियन्त्रणमा रहेको बताइएको छ ।