फागुन ९ ,सल्यान
सल्यानको बनगाड कुपिण्डेमा बोलेरो जिप दुर्घटना हुँदा पाँच जना घाइते भएका छन् । नेपालगञ्ज बाट जाजरकोट जाँदै गरेको भे १ द्ध ३३४४ नम्बरको जिप सल्यान बनगाड कुपिण्डे नगरपालिका १ टाट्केमा अनियन्त्रितत भइ दुर्घटना भएको हो ।
दुर्घटनामा परी जिप चालक जाजरकोट छेडागाड नगरपालिका-५ बस्ने २० वर्षीय शिखर चदारा, शोही ठाउँका ८४ वर्षीय भदे डाँगी, ५७ वर्षीय लाल बहादुर डाँगी, वडा न ६ का ३९ वर्षीय जय बहादुर थापा र ५८ वर्षीय विरे टमाटा रहेको जिल्ला प्रहरी कार्यालय सल्यानले जनाएको छ ।
घाइते भदे डाँगीको अवस्था गम्भीर रहेको र अन्यको अवस्था सामान्य रहेको जिल्ला प्रहरी कार्यालय सल्यानका सूचना अधिकारी भवानी प्रसाद धमलाले जानकारी दिनु भयो । घाइते सबैको सल्लीबजार स्थित सिटि फार्मेसीमा उपचार भइरहेको प्रहरीको भनाई छ । जिप अनियन्त्रित भइ सडकको नालीमा पल्टिएको थियो ।