कर्णाली करिडोर अन्तर्गतको सडक अवरुद्ध

सुर्खेत, १३ श्रावन ।  कर्णाली करिडोर अन्तर्गत सुर्खेत–जुम्ला सडक अवरुद्ध भएको छ । कालिकोटको तिलागुफा नगरपालिका–१ नाग्मामा पहिरो खसेका कारण सडक अवरुद्ध भएको हो । जुम्ला र कालिकोटको सिमानामा पर्ने नाग्मा क्षेत्र सुर्खेत, जुम्ला, मुगु र हुम्ला प्रवेशको मुख्यस्थल हो ।

पहिरोका कारण यातायात सेवा बिहान देखि नै अवरुद्ध भएको कालिकोटका प्रहरी प्रमुख अर्जुन केसीले बताउनु भयो । सडक खुलाउन प्रयास भइरहेको उहाँले बताउनु भयो ।