सल्यान,२१ भदौ ।सल्यानको खेल विकास र विस्तार गर्ने उद्धेश्यका साथ सल्यान टेक प्रालिले जिल्ला स्तरीय प्रथम सल्यान टेक गोल्ड कप फूटबल प्रतियोगिता संचलान गर्ने भएको छ।दशैको अवसरमा हुने कार्यक्रम असोज १८ देखि २२ गते सम्म संचलान हुने छ भने प्रतियोगिता जिल्ला स्थित लुहापिंगको प्रांगणमा सञ्चालन गरिने भएको छ।फिफाको नियामानुसार खेल सञ्चालन गरिने समेत कम्पनीका निर्देशक वासुदेव चलाउनेले जानकारी दिएका छन।समूह दर्ताको अंतिम मिति असोजको १६ गते सम्म रहेको छ भने उक्त कार्यक्रममा विजेताले ६६ हजार ६ सय ६६ र उप-विजेताले ३१ हजार १ सय ११ जित्न सक्ने छ।
